لما احط تحويشة عمري في شقة كبيرة تكفيني انا وعيالي، وكمان اخد قرض لقدام لمدة خمس سنين علشان اسدد تمنها وكمان يادوبك استلمها على الطوب. وبعد معاناة فيها سنتين كاملين اقساط وتعب وبنا .... لما اجي استلمها على الطوب الاقي الفنان (هشام سليم) يبعت بلطجية يطلعوا كل الناس ويقول العمارة دي بتاعتي. يبقى إحنا فعلا في #بلد_القانون.

لما افضل ابني في شقتي اللي اشتريتها لمدة سنتين وادفع اقساطها سنتين ورا ولسة تلات سنين قدام، ويجي الفنان (هشام سليم) بكل بساطة يقول العمارة دي بتاعتي ويبعت البلطجية يطردوا كل الناس وتبقى بوضع اليد بتاعته يبقي احنا فعلا في بلد القانون.

لما الاقي البلطجية اللي باعتهم الفنان (هشام سليم) جايين علينا في الشقق اللي اشتريناها وبيطردونا ويقعدوا هما، وتروح تتصل بالشرطة علشان تنجدك، تيجي الشرطة تاخدك انت في الحجز وتسيب بلطجية الفنان(هشام سليم) يبقي احنا فعلا في بلد القانون.