ومين فيكي يا بلد واخد حقه بالتلاته زي الفنانين ولاعيبة الكورة؟؟ ومين فيكي زيهم لا شاف تعب ولا يوم سهر في علم ودراسة وكل الشهرة والحظ عندهم بالكومة مرصوصة. ومسكين اللي حظه وحش زي حلاتي ويوم يجي بالصدفة في طريق فنان مشهور(هشام سليم) عاوز يقضي مصلحة او ينتقم من شخص دايئه في مصلحة، على طول يدوسك، يفرمك ولا حد في الدنيا يقله حاسب او خلي بالك دي ناس زيها زيك. زيها زيك !!! إزاي وانت فنان مشهور (هشام سليم) الدنيا كلها تعرفك! افرم يا باشا ودوس يا فنان (هشام سليم) وكل اللي انت عاوزه حقك وطز فيهم مغمورين غير معروفين... وقتها اعرف اننا في بلد القانون عايشين بجد.